धादिङ फागुन २ । जिल्ला प्रहरी कार्यालय धादिङ तथा ईलाका प्रहरी कार्यालय गजुरीबाट खटिएको संयुक्त प्रहरी टोलीले बेनिघाट रोराङ १ सुन्दरनागीका मनिष लामा र विकाश तामाङलाई पक्राउ गरेको छ ।
औषध चरेश ल्याएको आसंकामा प्रहरीले बिहिबार गजुरी ५ देउरालीमा बा २५ प ५२९३ नं. को कालो पल्सर मोटरसाईकल चेक जाँच गर्ने क्रममा मोटरसाईकल चालक मनिष लामा र सोही मोटरसाईकलमा पछाडी सवार विकाश तामाङलाई चरेश सहित पक्राउ गरेको हो ।
उनीहरुको साथमा रहेको ६ पोकाको ९ किलो औषध चरेश, मोबाईल सेट थान २, SONY क्यामेरा १ थान र बा २५ प ५२९३ नं. को कालो पल्सर मोटरसाईकल समेत प्रहरीले बरामद गरेको जिल्ला प्रहरी कार्यालयका सुचना अधिकारी प्रहरी नायव उपरिक्षक प्रकाश विष्टले जानकारी दिए ।
