धादिङ माघ २८ । रोटरी क्लब अफ धादिङ धादिङको बैंक खातामा विद्यालय भवन निमार्ण सहयोगार्थ पहिलाे किस्ता वापतकाे रु.१२ लाख रुपैंयाँ जम्मा भएको छ ।
नीलकण्ठ नगरपालिका स्थित इजारा आधारभुत विद्यालय र जनजाग्रिति माध्यमिक विद्यालयको भवन निर्माणमा साझेदारी गरेको रोटरी क्लब अफ धादिङलाई रोटरी इन्टरनेशनल डिष्ट्रिक्टले चेक हस्तान्तरण गरे सँगै रोटरी क्लब धादिङको खातामा रकम जम्मा भएको हो ।
रोटरी क्लब अफ धादिङका गोविन्द बुढाथोकीले रोटरी इन्टरनेशनल डिष्ट्रिक्ट 3292 को ERRRP संयोजक पिडिजी तिर्थमान शाक्य सचिव राजेन्द्र शाक्य र कोषाध्यक्ष कुमुद त्रिपाठीको हताबाट उक्त विद्यालय भवन निमार्णको पहलो किस्ताको रकम १२ लाखको चेक ग्रहण गरेका थिए । बुढाथोकीका अनुसार अब उक्त रकम सम्बन्धित विद्यालयलाई हस्तान्त्रण गरिने छ ।
रोटरी क्लब अफ धादिङले धादिङ जिल्लामा स्वास्थ्य र शिक्षाका क्षेत्रमा विभिन्न सहयोग गर्दै आईरहेको छ ।
