धादिङ भदौ १५
राजधानीको बसुन्धरा स्थित होराइजन अपार्टमेन्ट अगाडि रिङरोडमा बस दुर्घटना हुँंदा धादिङका मोहनप्रसाद ढकाल सहित ८ जना घाईते भएका छन भने एकको मृत्यु भएको छ । महाराजगंजबाट गोंगबुतर्फ गइरहेको बा १ ख ९२८० नम्बरको बस दुर्घटना भएको हो । दुर्घटनामा बसमा सवार आठ जना घाइते भएका छन् । घाइते मध्ये पाँच जना गम्भीर छन् ।
घाइते हुनेमा धरानका विनोद परियार, दिनेश परियार, वेदराज न्यौपाने, धनगढीका मंगल सिंह ठकुरी, सिन्धुपाल्चाकेका स्याङ्वा तामाङ, सुनसरीका रवि परियार, र मोरङका सागर पोखरेल छन् ।
यी मध्ये परियारद्वय, न्यौपाने, ठकुरी र तामाङ गम्भीर घाइते भएको महानगरीय प्रहरी वृत्त महाराजगंजका प्रमुख डिएसपी गोविन्द पुरीले दिए । उनीहरुको उपचार त्रिभुवन शिक्षण अस्पताल महाराजगंजमा भइराखेको छ ।
रवि, मोहन र सागरको भने बीपी स्मृति अस्पताल बसुन्धरामा उपचार भइरहेको छ । दुर्घटनापछि बसका चालक फरार छन् । मृतकको सनाखत हुन नसकेको जानकारी पुरीले दिए । उनले भने,‘प्रारम्भीक रुपमा बुझ्दा पैदलयात्रीलाई बचाउन खोज्दा बस अनियन्त्रित भएर पल्टिएको भन्ने छ, हामी थप अनुसन्धान गर्दैछौँ ।’
