धादिङ भदौ १२
अर्घाखाँचीको हंसपुरमा जिप दुर्घटना हुँदा ११ जनाको मृत्यु भएको छ भने ६ जना घाइते भएका छन् । सदरमुकाम सन्धिखर्कबाट प्युठानको बाँधिकोटतर्फ जाँदै गरेको लु १ ज ४८७८ नम्बरको जिप अर्घाखाँचीको रतनमारे नजिकै आइतबार दिउँसो तीन बजेतिर दुर्घटना हुँदा ११ जनाको मृत्यु भएको हो ।
दुर्घटनामा परी ९ जनाको घटनास्थलमै मृत्यु भएको उद्धारमा खटिएका प्रहरी जवान कुलचन्द्र पोखरेलले बताए । यस्तै २ जनाको उपचारका लागि अस्पताल लैजाँदै गर्दा बाटोमा नै मृत्यु भएको हो । घाइतेहरुलाई जिल्ला अस्पताल सन्धिखर्क लगिएकोमा गम्भीर घाइते ४ जनाको त्यहाँ उपचार हुन नसकेपछि लुम्बिनी अञ्चल अस्पताल बुटवल लगिएको छ । दुई जनाको भने सन्धिखर्कमै उपचार भइरहेको छ ।
मृतकको नामावली यस प्रकार रहेका छन
नाम ठेगाना
कमला पौडेल (३६ वर्षे) अर्घाखाँची धारपानी–६
रामबहादुर घर्ती हंसपुर – ५
मिन बहादुर केसी हंसपुर – ५
चेतबहादुर थापा हंसपुर – १
गाडी धनी नारायण राना किमडाँडाँ
सिता नेपाली सन्धिखर्क – २
हुमबहादुर घम हंसपुर – २
शिप बहादुर कुमाल गुल्मी पुर्कोटदह
भेस बहादुर थापा गुल्मी पुर्कोटदह
बुद्धिराम परियार गुल्मी पुर्कोटदह
शोभा सिंह रोका मगर बांगेमरोठका
