धादिङ भदौ ६
ऊर्जामन्त्री जनार्दन शर्माको निर्देशनमा विद्युत महशुलको वक्र्यौता नतिर्ने सय हारहारीका प्रयोगकर्ताको विद्युत लाइन काटिएको छ ।
ऊर्जा मन्त्रालयका अनुसार विद्युत महसुल तिर्न बाँकी रहेका र जवर्जस्ती गरिरहेकाहरुको लाइन काटिएको हो । केही दिनअघि मात्रै ऊर्जामन्त्रीले महशुल नतिर्नेको लाइन काटिने बताएका थिए ।
ऊर्जा मन्त्रालयले विद्युत महशुलको बाँकी बक्यौता नतिरेका विभिन्न जिल्लाका दूरसञ्चार प्रदायक कम्पनीदेखि स्थानीय एफएम स्टेशन तथा अस्पतालको विद्युत समेत कटौती गरिदिएको छ ।
कैलालीको टिकापुर, डडेलधुरा तथा धनगढीमा रहेको दूरसञ्चार प्रदायक कम्पनी यूटीएल तथा धनगढीस्थित एनसेलको समेत विद्युत कटौती गरिएको विवरणमा उल्लेख छ ।
डडेलधुरास्थित अपी अस्पताल, बैतडीस्थित समशेर एफएम, महेन्द्रनगरको प्रभु एफएम तथा बैतडीको रेडक्रस कार्यालयको समेत लाइन काटिएको छ ।
