धादिङ साउन २०
नेपाली कांग्रेसको भातृ संगठन नेपाली विद्यार्थी संघको ११ महाधिवेशनको तयारी अन्तिम चरणमा पुगेको छन ।
महाधिवेशन यही साउन २३ गते एकबजे भृकुटीमण्डपमा सभापति शेरबहादुर देउवाले उद्घाटन गर्दैछन् । महाधिवेशनका लागि देशभरबाट प्रतिनिधिहरु काठमाडौं आउनेक्रम सुरु भएको छ । प्रतिनिधीहरु करिब ३ हजार चारसय छन् ।
संघका प्रवक्ता युपी लामिछानेले महाधिवेशनको प्रचार–प्रचार, प्रतिनिधीहरुका लागि होटल बुकिङ, शैक्षिक दस्तावेज लेखनको काम सकिएको जानकारी दिए । ‘विवादित ११ जिल्ला प्रतिनिधीको सूची पनि बुधबार नै पार्टी नेतृत्वलाई बुझाइसकेका छौं, अब केन्द्रीय निर्बाचन समितले मतदाता सूची तयार पार्नेछ’, उनले भने ।
महाधिवेशनका लागि कुल एक करोड ७८ लाख ८० हजार खर्च हुने अनुमान गरिएको छ । महाधिवेशन खर्च सबै पार्टीले नै व्यहोर्ने बताइएको छ । पार्टीको केन्द्रीय कार्यलय परिषरमा अनसनमा बसेका विद्यार्थीसँग पनि तत्काल सहमति गर्ने तयारी भइरहेको छ
