धादिङ असार ३०
नारायगढको एक होटलमा चार दिन अघि युवतीको हत्यामा संलग्न रहेको अभियोगमा धादिङका एक युवक पक्राउ परेका छन ।
पक्राउ पर्नेमा धादिङ गुम्दी गाविस वडा नं. ९ का २६ वर्षिय हेम बहादुर थापा रहेको जिल्ला प्रहरी कार्यालय चितवनले जनाएको छ ।
थापालाई प्रहरीले गत मंगलबार दिउसो धादिङबाट प्रक्राउ गरि राति नै चितवन ल्याईएको प्रहरी जनाएको छ ।
असार २६ गते नारायगढस्थित कलश होटलमा भरतपुर उपमहानगरपालिका १६ मंगलपुरकी २७ वर्षे रीता भुजेललाई हत्या गरेको प्रहरी जनाएको छ । सो होटलमा भुजेलसँगै बसेका थापाले हत्या गरि फरार रहेका थिए । प्रहरीका अनुसार अभियुक्त थापाले सुरुमा मुसा मार्ने विष मिसाएर खुवाएको र पछि छटपटिन थालेपछि सलले घाँटीमा बाँधेर हत्या गरेको स्विकारेका छन ।
