धादिङ पुस २७ । नीजि तथा आवासीय विद्यालय अर्गनाइजेशन नेपाल प्याब्सन धादिङले, आफ्नो स्थापना दिवसको अवसर पारेर आयोजना गरेको प्याब्सन कप खेलकुद प्रतियोतिा शनिबार सम्पन्न भएको छ ।
तीन दिन सम्म चलेको खेलकुद प्रतियोगितामा, प्याब्सन सँग आवद्ध रहेका विद्यालयहरुले भाग लिएका थिए ।
आज भएको भलिबल फाईनल खेलमा छात्रा र छात्र दुवैमा एड्भान्स एकेडेमीलाई हराउँदै, दराईजिङ भिजेल उच्चमावि पहिलो भएको थियो भने धेरै मेहनत र रोमान्चक खेल प्रस्तुत गरेको एड्भान्सका छात्र छात्राको दुबै टिम दितिय भएका थिए ।
प्याब्सन कपको लागि सबै खेलकुद अङ्क स्कोरको आधारमा भने, द राईजिङ भिलेज उच्च माविले १०८ अंक ल्याई प्रथम, मुनाल एकेडेमीले ७३ अंक ल्याई दितिय, र एड्भन्स एकेडेमी धादिङबेसी पुछारबजारले ६९ अंक ल्याई तृतिए भएका छन ।
त्यसैगरी चिल्ड्रेनपार्क आवासीय उच्चमाविले ५१ अंक, सुनगाभा एकेडेमीले ४८ अंक, ब्राइट फ्यूचर बोडिङले२६ अंक, सरस्वती चिल्ड्रेनपार्क स्कुलले ८ अंक, सल्यानटार यूनाईटेड स्कुलले ७ अंक, राईजिङ स्टार बोर्डिङले ५ अंक र गुड स्टार बोर्डिङले १ अंक ल्याएका थिए ।
पुरस्कृत विद्यालय र विद्याथीहरुलाई कार्यक्रम समापन समारोहका प्रमुख अतिथि तथा प्याब्सनका केन्द्रिय उपमहासचिव राजेन्द्र बानियाले कप मेडल प्रमाण पत्रले सम्मान गर्नु भएको थियो ।
प्याब्सन कप २०७१ खुलकुद सम्पन्न
