धादिङबेसी पुस २५ । नीजि तथा आवासीय विद्यालय अर्गनाइजेशन नेपाल प्याब्सन धादिङले आफ्नो स्थापना दिवसको अवसर पारेर आयोजना गरेको प्याब्सन कप खेलकुद प्रतियोतिा धादिङबेसीमा जारी छ ।
भलिबल तर्फ आजको खेलबाट जित निकाल्दै छात्रतर्फ एड्भन्स एकेडेमी धादिङबेसी पुछारबजार, राईजिङ भिलेज उच्चमावि, मुनाल एकेडेमी र राईजिङ स्टार एकेडेमी सेमिफाईनलमा प्रवेस गरेका छन् ।
त्यसैगरि छात्रातर्फ भलिबल खेलमा एडेभान्स एकेडेमी धादिङबेसी पुछारबजार, राईजिङ भिलेज उच्च मावि, चिल्ड्रनपार्क बोर्डिङ र सुनगाभा एकेडेमी सेमी फाईनलमा प्रवेस गरेका छन् । सेमी फाईनल र फाईनल दुवै खेलहरु भोलि नै हुने आयोजकले बताएको छ ।
आजै हाइजम्प, लमजम्प, १ सय मीटर, २ सय मीटर एथलेटिक्सका खेलहरु भएको र भोलि बिहान र २ हजार मिटरको दौड प्रतियोगिता गरिने प्याब्सन धादिङका सचिव गोविन्द बुढाथोकिले जानकारी दिनु भयो ।
२५ औं प्याव्सन दिवसको अवसरमा आयोजित यस जिल्ला स्तरी प्याव्सन कपमा प्रतियोगितामा प्रथम हुनेलाई स्वर्ण द्धितीय हुनेलाई रजत र तृतीय हुनेलाई कास्य पदक र प्रमाण पत्र सहितले पुरस्कृत गरिने सचिव बढाथोकीले जानकारी दिनु भयो ।
