धादिङ। राष्ट्रिय स्वतन्त्र पार्टी (रास्वपा) को यही असार ७ देखि ९ गतेसम्म चितवनमा हुने राष्ट्रिय महाधिवेशनमा धादिङबाट ५० जना प्रतिनिधिले सहभागिता जनाउने भएका छन् । केन्द्र, केन्द्रीय विभाग, प्रदेश, जिल्ला, निर्वाचन क्षेत्र, पालिका तथा धादिङ–काठमाडौं सम्पर्क विभागबाट प्रतिनिधित्व हुने गरी धादिङको टोली महाधिवेशनमा सहभागी हुन लागेको हो ।
रास्वपा स्रोतका अनुसार धादिङबाट केन्द्रीय तह र केन्द्रीय विभागमा रहेका १२ जना, प्रदेश कार्यसमितिका ४ जना, जिल्ला कार्यसमितिका ५ जना, निर्वाचन क्षेत्र संयोजक तथा उपसंयोजक ४ जना, पालिकास्तरबाट २४ जना र धादिङ–काठमाडौं सम्पर्क विभागबाट १ जना गरी कुल ५० जना प्रतिनिधि महाधिवेशनमा सहभागी हुनेछन् ।
केन्द्रीय तह र केन्द्रीय विभागबाट बसुमाया तामाङ, उपेन्द्र पाण्डे, विष्णु पुरुष श्रेष्ठ, आरके ढुङ्गाना, बोदनारायण श्रेष्ठ, सितलचन्द्र धरेल, अनिल अधिकारी, रामप्रसाद सापकोटा, साजन सिलवाल, शिव सिलवाल, नवराज अर्याल, केशवराज अधिकारी र प्रदेश समितिबाट कृष्णमान शाक्य, सागर गौली, विकास चेपाङ र सचिन अधिकारी , प्रकाश सुवेदी प्रतिनिधिका रूपमा रहनेछन् ।
जिल्ला कार्यसमितिबाट राजन अर्याल, श्रावण त्रिपाठी, राम भण्डारी, श्रीराम आचार्य र उषा कार्की महाधिवेशन प्रतिनिधि रहेका छन् भने धादिङ–काठमाडौं सम्पर्क विभागबाट अजय श्रेष्ठ सहभागी हुनेछन् ।
त्यसैगरी निर्वाचन क्षेत्र नं. १ बाट रामजीप्रसाद पाठक र अमृता केसी तथा निर्वाचन क्षेत्र नं. २ बाट राजेन्द्र अधिकारी र ओमप्रसाद काराखेती महाधिवेशन प्रतिनिधिका रूपमा चितवन जानेछन् ।
पालिकास्तरबाट नीलकण्ठ नगरपालिकाबाट रिठ्ठे अछामी, विष्णु सिटौला र अम्बिका घिमिरे, धुनीबेसी नगरपालिकाबाट सुदीप पाठक, सुरेश गजुरेल र समिर रेग्मी, सिद्धलेक गाउँपालिकाबाट गोविन्द अर्याल र सुनिल ढकाल, थाक्रेबाट सबिन सुवेदी र सरोज गजुरेल, गल्छीबाट कुमार रिमाल र राजु सुनार, गजुरीबाट मिलन डल्लाकोटी र कृष्णबहादुर सुवेदी, गंगाजमुनाबाट उत्तम गुरुङ र भीमराज नेपाल, बेनीघाट रोराङबाट विष्णुहरी सिटौला र महेन्द्रराज काफ्ले, ज्वालामुखीबाट तेजबहादुर अर्याल र फणिन्द्र इटनी, त्रिपुरासुन्दरीबाट मनोज केँडेल र सुमन घर्ती तथा नेत्रावती डबजोङबाट उत्तम अधिकारी र भीमकुमार गुरुङ प्रतिनिधिका रूपमा सहभागी हुनेछन् ।
रास्वपाको दोस्रो राष्ट्रिय महाधिवेशनमा देशभरबाट आउने प्रतिनिधिहरूले पार्टीको भावी नीति, संगठन विस्तार, नेतृत्व चयन तथा राजनीतिक कार्यदिशासम्बन्धी महत्वपूर्ण निर्णयमा सहभागिता जनाउने अपेक्षा गरिएको छ । धादिङबाट सहभागी हुने ५० सदस्यीय प्रतिनिधिमण्डलले पनि जिल्लाको तर्फबाट सक्रिय भूमिका निर्वाह गर्ने तयारी गरेको जनाएको छ ।
