जस्तापाता पुर्याउन गएको गाडी पल्टदा बेहुलाको मृत्यू

ठाकुर गुरुङ / सिताराम साप्कोटा
धादिङ मुलपानी । उत्तरी धादिङको मुलपानी गाविसका भुकम्प पिडितलाई जस्ता पुर्याउन गएको गाडी मंगलबार राती ८ः३० बजे पल्टदा १ जनाको ज्यान गएको छ ।
धादिङबेसी बाट राहातको जस्ता बोकेर मुलपानी हिडेको बा.२ ख. ४०४५ को स्वराज गाडी सल्यानकोट चिसापानीमा पल्टदा फुलखर्क घर भएका वर्ष २२ का अशोक विकको घटना स्थल मै मृत्यू भएको हो ।
मृतक विक पोखराबाट विवाह गरि दुलही घर भित्राउन फुल खर्क आउँदै थिए ।
दुर्घटनामा घाईते भएका ६ जनाको जिल्ला अस्पताल धादिङबेसीमा उपचारत छन् ।
घाईते हुनेहरुमा फुलखर्क घर भएका चेतबहादुर विक, सिमा विक, रामकाजी राना, मिलन राना, बेहुली सहित अन्य २ जनाको नाम खुल्न सकेको छैन ।