धादिङ माघ २३ । धादिङको नीलकण्ठ नगरपालिका १४ धुवाँकोट पात्लेमा जारी फुटबल प्रतियोगिताबाट मलेखु स्थित भद्रकाली युवा क्लव र धादिङबेसी स्थित वाईज युनाईटेड युवा क्लव बाहिरिएका छन् ।
माघ १६ गते देखि पात्लेमा सुरुभएको छैटौं मान बहादुर कप फुटबल प्रतियोगिता अन्तरगत बिहिबारको क्वाटर फाईनल खेलमा मलेखु स्थित भद्रकाली युवा क्लवको २ गोलको विरुद्ध नुवाकोटको सिरानटोल युवा क्लबले ४ गोल र धादिङबेसी स्थित वाईज युनाईटेडलाई पेनाल्टीमा नुवाकोटको नवस्टार युवा क्लबले २-३ को गोल अन्तरले हराउँदा यी धादिङका दुई टिम सेमीफाईनल पुर्व नै घर फर्कन बाध्य भएका हुन् ।
नुवाकोट भर्सेज धादिङ जस्तो भएको बिहिबारको दुई खेल नुवाकोटका क्लवले जिते पनि तेस्रो खेलमा भने धादिङको जनाअवाज युवा क्लव माने धुवाँकोटले सयपत्री यूवा क्लव नुवाकोट विरुद्ध ४-२ गोल गर्दा सयपत्री यूवा क्लव प्रतियोगिताबाट बाहिरिएको थियो ।
सोनाम ल्होछारको अवसरमा विद्यार्थी उपकार संघ धुवाँकोटले आयोजना गरेको यस प्रतियोगिता २१ टिम सहभागि थिए ।
प्रतियोगितामा प्रथम पुरस्कार राशी १ लाख १५ हजार रहेको छ, भने द्वितिय हुने टिमले ५५ हजार ५५५, सान्तोना हुने टिमले १५ हजार पुरस्कार पाउने विद्यार्थी उपकार संघका उपाध्यक्ष सुरेश तामाङले बताए ।
शुक्रबार हुने सेमिफाईनलमा यी खेल हुने
नवस्टार युवा क्लव नुवाकोट VS मेन्धोफोले युवा क्लव काउले धादिङ
जनाआवाज युवा क्लव धुवाँकोट धादिङ VS सिरानटोल युवा क्लव नुवाकोट
