धादिङ । धादिङको बेनीघाट रोराङ गाउँ पालिका ५, विशालटार स्थित चन्द्रोदय माध्यमिक विद्यालयको छात्र/छात्रा फुटबल, छात्र/छात्रा भलिबल र क्रिकेट खेलको अन्तर सदनात्मक लिग अन्तरगत शुक्रबार फुटबल लीगको पहिलो चरण सम्पन्न भएको छ ।
छात्र विधा अन्तर्गत पहिलो खेल कर्णाली सदन र बागमती सदनबिच भएको थियो उक्त खेल कर्णाली सदनले २-० गोल अन्तरले जितेको थियो । कर्णाली सदनको लागी दुवै गोल कृष बस्नेतले गरेका थिए । त्यसैगरी दोश्रो खेल लुम्बिनी सदनले गण्डकी सदनलाई ४-१ गोल अन्तरले हराउन सफल भएको थियो । लुम्बिनी सदनको लागी फरवार्ड द्वय जनक सुवेदी र सुर्य बुढाथोकीले समान २/२ गोल गरे भने गण्डकी सदनको लागी विश्वास बस्नेतले सान्त्वना गोल फर्काएका थिए ।
छात्रा विधा अन्तर्गत कर्णाली र बागमती सदनबिच गोल रहित बराबरीमा टुङ्गिएको खेलमा समान १/१ बाँडेका छन् भने अर्को खेलमा लुम्बिनी सदनले गण्डकी सदनलाई ३-० गोल अन्तरले हराउन सफल भएको थियो। गण्डकी सदनको लागी अस्मिता सुनारले २ तथा आशिका नेपालले १ गोलको योगदान दिएका थिए । अर्को चरणका खेलहरू आगामी शुक्रवार सन्चालन हुनेछन् ।
यस प्रतियोगितामा फुटबल तर्फ ६०/६० जना छात्रछात्रा, भलिबल तर्फ ४८/४८ जना छात्रछात्रा र क्रिकेट तर्फ ६० जना छात्रहरू सहभागी हुनेछन् ।
