धादिङ । बेनीघाट रोराङको माध्यामिक विद्यालय स्तरीय खेलकुद उत्सव आईतबारबाट सुरुभएको छ । प्रतियोगितामा छैटौं राष्ट्रपति रनिङ शिल्ड तथा मजदुर सहिद स्मृति वृहत खेलकूद प्रतियोगिता, मदन भण्डारी स्मृति कप फुटबल प्रतियोगिता र अध्यक्ष क्रिकेट कप प्रतियोगिता रहने छन् ।
चन्द्रोदय माबि बिशालटारमा एक विशेष कार्यक्रमका बीच आईतबार पालिका अध्यक्ष कृष्णबहादुर थपलिया (विवेक) ले उद्घाटल गरे सँगै खेलकुद उत्सव सुरुभएको हो । पालिकाभित्र सामुदायिक र नीजि गरि १२ वटा विद्यालयका करीब ७ सय खेलाडीहरुको प्रतियोगितामा सहभागिता रहने शिक्षा अधिकृत बोधराज पाठकले धादिङपोष्टलाई बताए ।
बेनीघाट रोराङमा सामुदायीक ७३ र संस्थागत ५ गरी ७८ विद्यालय रहेका छन् भने यी विद्यालयमा चालु शैक्षिक वर्षमा १० हजार २७ जना विद्यार्थीले अध्ययन गरिरहेका छन् ।
बेनीघाट राेराङले आयोजना गरेको यो छैटौं राष्ट्रपति रनिङ शिल्ड हो । गत वर्ष सम्पन्न पाचौं राष्ट्रपति रनिङ शिल्ड राष्ट्रपति रनिङ शिल्ड ८ स्वर्ण सहित बागेश्वरी प्रथम भएको थियो भने दोस्रो चन्द्रोदय मावि भएको थियो । चौंथो राष्ट्रपति रनिङ शिल्ड चन्द्रोदय माविले जितेको थियो ।
