धादिङ। नीलकण्ठ नगरपालिका ३ मा अवस्थित एड्भान्स एकेडेमीका विद्यार्थीले वृक्षारोपण गरि विश्व वातावरण दिवस मनाएका छन् । विद्यालयको सामाजिक विभाग तथा युवा जुनियर रेडक्रस सर्कलको संयुक्त आयोजनामा विद्यालय परिसरभित्र विभिन्न विरुवाहरु वृक्षारोपण गरी दिवस मनाएका हुन् ।
सन् २०२४ को विश्व वातावरण दिवसको नारा “Land Restoration Desertification and Drought Resilience” रहेको छ । अहिलेको समयमा वातावरण प्रदुषणले मानव स्वास्थ्य मात्र होइन सामाजिक, आर्थिक र साँस्कृतिक क्षेत्रमा समेत गम्भीर असर परेको छ । यस्तो प्रदुषण कम गर्ने प्रत्येक व्यक्तिले आफ्नो घर वरिपरिको वातावरण सफा र सुग्घर राख्नुपर्ने विद्यालय प्रिन्सिपल भिमबहादुर श्रेष्ठ बताए ।
विद्यार्थी भाइ बहिनीहरुलाई प्रकृति प्रति प्रेम सिकाउँदै आगामि पुस्तालाई वातावरण र प्रकृति प्रति माया सिकाउँ काठ होइन रुखलाई माया गरी पृथ्वी जोगाउनको लागि वृक्षारोपण अनिवार्य रहेको उनले बताए ।
