धादिङ । धादिङबेसी स्थित खुल्लामञ्च टुडिखेलमा जेष्ठ १० र ११ गते दुई दिन चलेको चार टिम सहभागी मैत्रिपूर्ण टी २० क्रिकेट प्रतियोगिता आयोजक समेत रहेको धुवाँकोट क्रिकेट क्लवले जितेको छ ।
पहिलो खेल जिल्ला क्रिकेट संघलाई हराएको धुवाँकोटले फाईनलमा नीलकण्ठ नगरपालिकाको क्रिकेट टिमलाई पराजित गर्दै ट्रफि जितेको हो । प्रतियोगितामा आयोजक, जिल्ला क्रिकेट संघ धादिङ, नीलकण्ठ नगरपालिका र प्रशासनको टिम सहभागी थिए ।
ट्रफी तथा प्रमाण पत्र वितरण समारोहमा बोल्दै नीलकण्ठ नगरपालिकाका प्रमुख भिम प्रसाद ढुङ्गानाले नीलकण्ठ नगरपालिकाले क्रिकेटको विकासका लागि विद्यालय तह देखि नै विशेष योजना बनाए लाग्ने बताएका थिए ।
खेलकुदलाई नीलकण्ठ नगरपालिकाले विशेष महत्वमा राखेर विकास वजेट विनियोजन गरिरहेको छ । आगामी वर्ष देखि क्रिकेटलाई विशेष प्राथमिकतामा राख्ने प्रतिवद्धता समेत प्रमुख ढुङ्गानाले जनाएका थिए ।
