धादिङ । धादिङको नीलकण्ठ नगरपालिका १ काउले स्थित प्रकाश मावि प्राङ्गणमा आजबाट जारी स्वर्गिय प्रेम बहादुर तामाङ स्मृति कप जिल्ला स्तिरीय महिला भलिबल प्रतियोगितामा प्रकाश मावि र मेन्दोफोले युवा समाजले जितको सुरुवात गरेका छन् ।
मुख्य रेफ्री सोम श्रेष्ठका अनुसार आज भएको लिग चरणको पहिलो खेलमा प्रकाश माविले खनियाबास गाउँपालिकालाई र मेन्दोफोले युवा समाज नीलकण्ठले नलाङ मोडल एकेडेमीलाई पराजित गर्दै जितको सुरुवात गरेका हुन् । प्रतियोगिताको उद्घाटन नीलकण्ठ नगरपालिकाका उप-प्रमुख दिपक विश्वकर्माले गरेका थिए ।
चार समुह बनाएर खेलाईएको प्रतियोगिताको समुह (क) मा नलाङ मोडल एकेडेमी, मेन्दोफोले युवा समाज र धादिङ भलिबल ट्रेनिङ सेन्टर समुह (ख) मा बेनीघाट रोराङ गाउँपालिका र ज्लालामुखी गाउँपालिका, समुह (ग) मा प्रकाश मावि र खनियाबास गाउँपालिका समुह (घ) मा सिद्धलेक गाउँपालिका, सिद्धलेक भलिबल संघ र धादिङ स्पोट्स क्लव रहेका छन् ।
कार्तिक २७ गते सम्म जारी रहने भनिएको उक्त महिला भलिबल प्रतियोगिताको पुरस्कार राशी प्रथम ४५ हजार, द्वितिय २५ हजार, तृतिय १५ हजार र सान्तोना ९ हजार रहेको बताईएको छ ।
यस्तो छ खेल तालिका
