धादिङ । धादिङ गल्छी गाउँपालिका-५ का ३१ वर्षीय गोविन्द तामाङ र २७ वर्षीया मुस्कान लामा पाँच किलो चरेशसहित पक्राउ परेका छन् ।
प्रहरी वृत्त लैनचौरबाट खटिएको टोलीले उनीहरुलाई शनिबार दिउँसो २ बजे काठमाडौं महानगरपालिका १६ कालधाराबाट पक्राउ गरेको प्रहरीले जनाएको छ ।
उनीहरूको साथबाट पाँच किलो चरेश, ७ वटा एटिएम कार्ड, ९ हजार रुपैयाँ र बागमती प्रदेश ०२-०२३ प ९४८१ नं. को २२० सिसीको पल्सर मोटरसाइकल बरामद भएको छ।उनीहरूमाथि लागू औषध नियन्त्रण ऐन, २०३३ को कसूरमा प्रहरी वृत्त लैनचौरबाट थप अनुसन्धान भइरहेको प्रहरीले जनाएको छ ।
