धादिङ । माओवादी केन्द्र नीलकण्ठ ९ ले फुटबल प्रतियोगिता गरेर‘जनतासँग माओवादी : विशेष रुपान्तरण अभियान’ उद्घाटन गरेको छ ।
जनतासँग विशेष रूपान्तरण तीन महिने अभियान उद्घाटन गर्न आज माओवादी केन्द्रले धादिङमा फरक फरक शैली अपनाएको देखियो । खनियाबास ३ मा पौडी, नीलकण्ठ ६ मा दौड प्रतियोगिता गर्दै अभियान उद्घाटन गरेको माओवादी धादिङले नीलकण्ठ मा ९ मा फुटबल प्रतियोगिता गरेको छ ।
केन्द्रिय सदस्य अप्सरा सिंखडा (दिपा) को प्रमुख आतिथ्यता तथा जिल्ला खेलकुद विकास समिति धादिङका अध्यक्ष प्रतापसिंह तामाङ विशेष आतिथ्यता रहेको नीलकण्ठ ९ ले वडा नम्बर १२ सँग फुटबल खेल्दै अभियान उद्घाटन गरेको हो ।
प्रतियोगिता आयोजक नीलकण्ठ ९ विजयी हुँदै ३ हजार जित्यो भने, उपविजेता १२ ले नगद २ हजार हात पारेको थियो ।
