धादिङ । धादिङबेसीमा सम्पन्न जिल्ला स्तरीय खुल्ला कबड्डी प्रतियोगितामा पुरुष तफ राईजिङ कबड्डी क्लव च्याम्पियन बन्न सफल भयो भने महिला तर्फ बालमन्दिर मावि च्याम्पियन बन्यो ।
फाईनलमा न्यू किबोलाई पराजित गर्दै प्रथम भएको राईजिङले नगद ५० हजार हात पार्यो भने उप विजेतामा रोकिएको न्यू किबोले ३० हजार जित्यो । यस्तै महिला तर्फ फाईनल विजेता बाल मन्दिर माविले ३० हजार र उपविजेता नीलकण्ठ माविका खेलाडीले २० हजार जिते ।
यसैगरी पुरुषतर्फ धादिङ कबड्डी क्लव र महिला तर्फ पनि धादिङ कबड्डी क्लव नै तेस्रो भए । महिला पुरुष दुबैको तृतीय हुने समुहले ट्रफी, मेडल र प्रमाणपत्र पाए । धादिङ कबड्डी क्लवले आयोजना गरेको यस जिल्ला स्तरीय प्रतियोगितामा पुरुष तर्फ १० र महिला तर्फ ६ टिमले भाग लिएका थिए । धादिङपोष्टका लागि तस्वीर सौजन्य प्रदिप गिरी
