काठमाडौं । पहिलो पटक एसिया कप खेल्ने लक्ष्यका साथ नेपालले आज युएई सँग एसीसी मेन्स प्रिमियर कपको फाइनल खेल्दैछ । खेल बिहान ९ बजे टियु क्रिकेट मैदानमा सुरुहुनेछ ।
टियु मैदानमा नेपाल पछिल्लो १५ खेलदेखि अपराजित रहेको नेपाल युएईसँग पछिल्लो चार खेलमा समेत अपराजित रहेको टिम हो । तसर्थ नेपाल यस उपाधि पनि जित्दै एसिया कपमा भारत र पाकिस्तानसँग खेल्न चाहन्छ । फाइनल खेल तय भएको सोमबार काठमाडौंमा वर्षा हुने सम्भावना छ । सोमबार खेल हुन नसकेको खण्डमा मंगलबार रिर्जभ डेको व्यवस्था गरिएको छ ।
तर, सोमबार र मंगलबार दुबै दिन वर्षाको कारण खेल हुन सकेन भने दुई सुपर ओभरबाट नतिजा निकाल्ने प्रयास हुनेछ । पहिलो सुपर ओभर बराबरी भएमा दोस्रो सुपर ओभर हुनेछ । तर, वर्षाको कारण सुपर ओभर पनि हुनसक्ने अवस्था नभएमा आइसीसीको एकदिवसीय अन्तराष्ट्रिय(ओडिआई) वरीयतामा माथि हुने टोली एसिया कपमा पुग्नेछ ।
