धादिङ । नेकपा (माओवादी) केन्द्र निकट योङ कम्युनिष्ट लिग (वाईसीएल) धादिङको आज सम्पन्न विस्तारीत वैठकले रिक्त रहेको जिल्ला सचिवमा राजन लम्साल (ज्वाला) लाई चयन गरेको छ ।
माओवादी केन्द्रका केन्द्रीय सदस्य रामबहादुर भण्डारीको प्रमुख आतिथ्यतामा तथा जिल्ला संयोजक मनराज भण्डारी (शैलेस) र वाईसीएल बागमती प्रदेशका संयोजक साजन अधिकारीको विशेष आतिथ्यतामा भएको उक्त विस्तारीत बैठकले यस अघिका सचिव सन्तोष उप्रेती केन्द्रीय समितिको विभागमा चयन भए सँगै जिल्ला सचिवमा राजन लम्साल (ज्वाला) चयन भएका हुन् ।
जिल्ला इन्चार्ज सन्तोष डल्लाकोटीको अध्यक्षतामा भएको बैठकमा वाईसीएलका केन्द्रीय सदस्य राजाराम रिजाल, माओवादी केन्द्र धादिङका नेताहरु सुर्य तामाङ, दुर्लभकुमार तामाङ, प्रतापसिंह तामाङ, अमृत तामाङ लगायतको आतिथ्यता रहेको थियो ।
