काठमाडौं साउन १६ । पूजाको प्रसाद खाँदा सिन्धुपाल्चोकको मेलम्ची नगरपालिका–११ चापाबोट चालिसे गाउँका ३० जना बिरामी परेका छन् ।
मेलम्ची नगरपालिकाका उपप्रमुख भगवती नेपालका अनुसार स्थानीय एउटा घरमा पूजामा प्रसाद खाएकाहरु ३० जनालाई झाडापखाला लागेको छ । सबैलाई स्वास्थ्य चौकी ल्याउन सम्भव भएन । हामी बिहान स्वास्थ्यकर्मीसहितको टोली लगेर उपचार गरेर फर्केका छौँ ।
३ जनालाई स्वास्थ्य केन्द्र मेलम्चीमा ल्याएका छौँ उपप्रमुख भगवती नेपालले बताई । फुडपोइजनको कारणले झाडापखाला लागेकोले ४८ घण्टासम्म सबैलाई ठिक भइसक्ने स्वास्थ्यकर्मीको भनाइ छ । समाचार स्रोत थाहाखवर
