धादिङमा ९२ जना कोरोना संक्रमित, रिपोर्ट आउन बाँकी ५३ जना

धादिङबेसी असार ३ । धादिङ जिल्लाबाट पीसीआर परिक्षणको लागि पठाईएको ६५७ जना मध्ये अब ५३ जनाको मात्र पिोर्ट आउन बाँकी रहेको छ ।

जिल्ला स्वास्थ्य कार्यालय धादिङका सूचना अधिकारी दिपक अछामीका अनुसार ६५७ जनाको पीसीआर परिक्षणका लागि पठाईएकोमा ५१८ जनाको नेगेटिभ आएको र ८६ जनाको रिपोर्ट कोरोना पोजेटिभ आएको छ भने अझै रिपोर्ट आउन बाँकी संख्या ५३ जना रहेको छ ।

धादिङमा देखिएको कोरोना भाईरस पोजेटिभ ९२ जना मध्ये धादिङबाटै स्वाव संकलन गरि परिक्षणको लागि पठाईएको ८६ जना र सिधै जिल्ला बाहिर गएर स्वाव परिक्षण गराउँदा पोजेटिभ देखिएको संख्या ६ रहेका समेत सूचना अधिकारी अछामीले धादिङपोष्टलाई जानकारी दिए ।

धादिङका संक्रमित मध्ये नेत्रावती डब्जोङ गाउँपालिकाको एक पुरुष, गल्छी गाउँपालिकाकी एक महिला र थाँक्रेका एक पुरुष, सिद्धलेककी एक महिला र धुनिबेशीकी कोरोना संक्रमित एक महिला गरी ५ जना निको भएर फर्किसकेका छन् ।

अहिले सम्म धादिङमा संक्रमितको संख्या

• धादिङको नीलकण्ठ नगरपालिकामा ५१ जना
• ज्वालामुखी गाउँपालिकामा २७ जना
• त्रिपुरासुन्दरी गाउँपालिकामा ७ जना
• सिद्धलेक गाउँपालिकामा २ जना
• नेत्रावती डब्जोङ गाउँपालिकामा १ जना
• गल्छी गाउँपालिकामा १ जना
• थाँक्रे गाउँपालिकामा १ जना
• धुनीबेसी नगरपालिकामा १ जना
• गजुरी गाउँपालिकामा १