धादिङ । धादिङ जिल्लामा कुल २ लाख ७५ हजार २८० मतदाता रहेका छन् । जिल्ला निर्वाचन कार्यालयका तथ्यांकअनुसार प्रतिनिधि सभा निर्वाचन क्षेत्र नं. २ मा क्षेत्र नं. १ भन्दा बढी मतदाता रहेका छन् ।
जिल्लाको निर्वाचन क्षेत्र नं. १ मा १ लाख ३६ हजार ६८६ मतदाता रहेका छन् । यस क्षेत्र अन्तर्गत ६ वटा स्थानीय तह समावेश छन् । तीमध्ये सबैभन्दा बढी मतदाता थाक्रे गाउँपालिकामा रहेका छन् ।
क्षेत्र नं. १ का स्थानीय तह अनुसार मतदाता संख्या:
- थाक्रे गाउँपालिका – २७,७२५
- धुनीबेंशी नगरपालिका – २६,७०६
- गल्छी गाउँपालिका – २१,३३२
- बेनीघाट रोराङ गाउँपालिका – २१,२६१
- गजुरी गाउँपालिका – १८,९८९
- सिद्धलेक गाउँपालिका २०,६७३
त्यस्तै, निर्वाचन क्षेत्र नं. २ मा १ लाख ३८ हजार ५९४ मतदाता रहेका छन् । यस क्षेत्रमा ७ वटा स्थानीय तह रहेका छन् । जिल्लाकै सबैभन्दा धेरै मतदाता नीलकण्ठ नगरपालिकामा रहेका छन् ।
क्षेत्र नं. २ का स्थानीय तह अनुसार मतदाता संख्या:
- नीलकण्ठ नगरपालिका – ४५,३१६
- ज्वालामुखी गाउँपालिका – २२,४९३
- त्रिपुरासुन्दरी गाउँपालिका – २०,७२०
- गंगाजमुना गाउँपालिका – १८,६०१
- नेत्रावती डबजोङ गाउँपालिका – १२,१८८
- खनियाबास गाउँपालिका – १०,००४
- रुबीभ्याली गाउँपालिका – ९,२७२
मतदाता संख्याको आधारमा हेर्दा क्षेत्र नं. २ मा प्रतिस्पर्धा थप रोचक हुने देखिन्छ । विशेषगरी नीलकण्ठ नगरपालिकाको मत परिणामले समग्र क्षेत्रको चुनावी समीकरणमा निर्णायक प्रभाव पार्न सक्ने अनुमान गरिएको छ ।
जिल्लाभर मतदाता संख्याको स्पष्ट तस्वीर सार्वजनिक भएसँगै राजनीतिक दल र उम्मेदवारहरू चुनावी रणनीति बनाउन सक्रिय भएका छन् ।
