धादिङ । भदौ ८–९ गते सम्म मकाउमा संचालन भएको तेक्वान्दो ग्रेटर बे कप अन्तर्राष्ट्रिय श्रृङ्खलामा धादिङका डेनिड विकले स्वर्ण पदक जित्न सफल भएका छन् ।
धादिङ जिल्ला तेक्वान्दो संघका कोषाध्यक्ष समेत रहेका उनी चौथो डान प्राप्त खेलाडी हुन् । उनले आधा दर्जन भन्दा बढी अन्तराष्ट्रिय प्रतियोगिताहरु खेलिसकेका छन् । उनी धादिङका तेक्वान्दो प्रशिक्षक समेत हुन् ।
मकाउमा सम्पन्न उक्त तेक्वान्दो ग्रेटर बे कप अन्तर्राष्ट्रिय श्रृङ्खलामामा नेपालबाट ११ जना खेलाडीले भाग लिएका थिए ।
