काठमाडौं । काठमाडौंमा आज देखि सुरुहुन लागेको साफ यू-२० च्याम्पियनसिप २०२४ को उद्घाटन खेल आज दिउँसो ३ बजे घरेलु टोली नेपाल र श्रीलंका बीच सतदाेबाटाे स्थित एन्फा कम्प्लेसमा हुने छ ।
भदौ १२ गतेसम्म सञ्चालन हुने उक्त च्याम्पियनसिपमा नेपालसहित ६ राष्ट्र सहभागी छन् । सहभागी ६ राष्ट्रलाई २ समूहमा विभाजन गरिएको छ । नेपाल रहेको समूह ए मा बंगलादेश र श्रीलंका रहेका छन् । समूह बी मा भारत, मालदिभ्स र भुटान छन् । समूहका शीर्ष दुई टोलीले सेमिफाइनलमा स्थान बनाउनेछन् ।
