धादिङ । काठमाडौमा सम्पन्न दशौं सगरमाथा अन्तरास्ट्रिय कराते प्रतियोगीतामा धादिङकी रितु खड्काले स्वर्ण पदक सहित धादिङबेसी सितोरियो कराते डो का खेलाडीले आठ पदक जित्न सफल भएका छन् ।
नेपाल सितोरियो कराते डो सव शाखा डोजो नक्सालले आयोजना गरेको उक्त प्रतियोगितामा धादिङबेसी सितोरियो कराते डो बाट कोच भिम गुरुङले उक्त अन्तराष्ट्रिय प्रतियोगितमा १८ जना खेलाडी सहभागि गराएका थिए । ति मध्यबाट विभिन्न तौल समुहमा आठ पदक जित्न सफल भएका हुन् ।
कोच श्रेष्ठका अनुसार पदक जित्ने धादिङका खेलाडीहरुमा रितु खड्का, सुदिप श्रेष्ठ, दिपराज गुरुङ, सुप्रिया गुरुङ, निर्मला तामाङ, सजन घले, प्रवेस घले र रोशन श्रेष्ठ रहेका छन् । प्रतियोगितामा भारत श्रीलंका, बंगलादेश, नेपाल लगायतका देशका खेलाडीहरुले भाग लिएका थिए ।
