काठमाडौं । एसीसी प्रिमियर कपको उपाधि रक्षा गर्ने क्रममा अपराजित नेपालले फाइनल प्रवेशका लागि आज चिर प्रतिद्वन्दी युएईको सामना गर्ने भएको छ ।
यसअघिको संस्करणमा नेपालले युएईलाई फाइनलमा हराउँदै च्याम्पियन बनेको थियो भने एसिया कपसमेत खेलेको थियो। टी-२० विश्वकप छनोटमा पनि नेपालले युएईलाई पराजित गरेको थियो। नेपाल र युएई मुख्य प्रतिद्वन्द्वी रहँदै आएको छ।
नेपाल र युएई बीचको पहिलो सेमिफाइनल शुक्रबार नेपाली समय अनुसार बिहान ११:४५ बजे सुरु हुनेछ । ओमान र हङकङ बीचको खेल सोही दिन दिउँसो ४:१५ बजे सुरु हुनेछ ।
