धादिङ । नीलकण्ठ नगरपालिका ३ धादिङबेसी स्थित त्रिबेणीचोक निवासी दिनेश श्रेष्ठले अनाथ आश्रममा रहेका बालबालिकाहरुलाई सहयोग गर्दै आफ्नो जन्म दिन बनाएका छन् ।
नेपाल विद्यार्थी संघ धादिङका नेता समेत रहेका श्रेष्ठले आज परेको आफ्नो जन्म दिनको अवसरमा नीलकण्ठ ४ स्थित अनाथ बालबालिका रहेको आमाको माया छात्र बास पुगेर सहयोग गर्दै आफ्नो जन्म दिन मनाएका हुन् ।
सेवा गर्न कुनै विशेष दिन कुर्नु पर्दैन । कहि न कहि, केहि न केहि सामाजिक काममा जोडिरहन मन लाग्छ जोडि रहेको छु । आज छात्राबास पुगेको हुँ, संयोज आजै मेरो जन्मदिन पर्यो । फजुल खर्च कटाएर सामाजिक काममा लगाउन पाउँदा भित्रै देखि आनन्द लाग्छ दिनेशले धादिङपोष्टलाई बताए ।
उनले आमाको माया छात्र बासलाई पाँच थान डेस्कबेंच एक थान नोटिस बोर्ड र स्टेशनरी सामानहरु सहयोग गरेका थिए । अहिले उक्त छात्रबासमा २७ जना अनाथ बालबालिकाहरु रहेका छन् । तस्वीर: प्रनाक श्रेष्ठ
