काठमाडौं । नेपालले आइसिसी विश्वकप छनोटको अन्तिम खेल टेस्ट टोली आयरल्यान्डसँग आज खेल्दै छ । खेल नेपाली समय अनुसार मध्यान्ह पौने १ बाट सुरु हुनेछ ।
नेपालले आयरल्यान्डसँग ओडिआई खेल खेल्न लागेको यो पहिलो अवसर हो । आयरल्यान्ड नेपालले ओडिआई खेल्न लागेको तेस्रो टेस्ट मान्यता प्राप्त मुलुक हो ।
नेपालले सातौं स्थानको लागि भएको सेमिफाइनल खेलमा युएईलाई तीन विकेटले हराउँदै आयरल्यान्डसँग भेट पक्का गरेको हो । आयरल्यान्डले प्लेअफ खेलमा अमेरिकालाई ६ विकेटले हराएको थियो ।
