काठमाडौं । नेकपा एमालेले सबै प्रदेशमा चुनाव केन्द्रित प्रशिक्षण र अभिमुखीकरण कार्यक्रम गर्ने घोषणा गरेको छ । प्रशिक्षणमा स्थानीय तहमा एमालेको पाँच वर्षः उपलब्धि र अनुभवहरु तथा स्थानीय तह निर्वाचन तयारी विषयमा छलफल हुने बताईएको छ ।
- फागुन १ र २ गते प्रदेश १ को विराटनगरमा
- फागुन ३ र ४ गते मधेस प्रदेशको जनकपुरमा
- फागुन ६ र ७ गते वाग्मती प्रदेशको काठमाडौंमा
- फागुन ८ र ९ गते गण्डकी प्रदेशको पोखरामा
- फागुन ११ र १२ गते लुम्बिनी प्रदेशमा
- फागुन १४ र १५ गते कर्णाली प्रदेशको सुर्खेतमा
- फागुन १६ र १७ गते सुदूरपश्चिम प्रदेशको धनगढीमा
प्रशिक्षणमा सम्बन्धित प्रदेशका इञ्चार्ज तथा सहइञ्चार्जहरु, प्रदेश कमिटी पदाधिकारीहरु, प्रदेश कमिटीका स्कुल तथा स्थानीय तह विभाग प्रमुखहरु, प्रदेश अन्तर्गतका सबै जिल्ला कमिटी इञ्चार्ज र सहइन्चार्जहरु, प्रदेश अन्तर्गतका सबै जिल्ला कमिटी पदाधिकारीहरु, सबै जिल्ला कमिटी स्कुल तथा स्थानीय तह विभागका प्रमुखहरु, एमालेबाट निर्वाचित जिसस प्रमुख वा उपप्रमुख, गाउँपालिका प्रमुख वा उपप्रमुख र पार्टीका पालिका अध्यक्षहरू सहभागी हुने बताईएको छ ।
