धादिङ । नेपाल रेडक्रस सोसाईटी जिल्ला शाखा धादिङ ले उत्तरी धादिङको रुबीभ्याली गाउँपालिका १ र २ मा हिमपातका कारण प्रभावितहरुलाई त्रिपाल वितरण गर्न नेता लगेको छ ।
उक्त त्रिपाल बाढ्न रेडक्रसले नेकपा समाजवादी पार्टी धादिङका नेता बुर्लाकोटीलाई लगेको थियो । सामाजिक संजाल र केहि मिडियामा बुर्लाकोटीले नै त्रिपाल बाडेको जस्तो गरि प्रचार गरिएपछि रेडक्रस धादिङका सभापति नारायण तिमल्सिनाले उक्त त्रिपाल रेडक्रसले नै वितरण गरेको र उक्त कार्यक्रममा नेता बुर्लाकोटीको सहभागिता रहेको बताएका छन् ।
नेपाली सेनाको हेलिकोप्टर मार्फत २ सय ७५ थान त्रिपाल रुबीभ्याली गाउँपालिका १ र २ पुर्याई वडाध्यक्ष मेन घलेलाई उक्त त्रिपाल हस्तान्तरण गरिएको थियो ।
