सिन्धुली । लागूऔषध सहित सिन्धुलीको गोलन्जोर गाउँपालिका ७ को खुर्कोटबाट युट्युबर पक्राउ परेका छन् ।
बर्दिवासबाट काभ्रेपलाञ्चोकको धुलिखेलतर्फ जाँदै गरेका ०१–००३ क ९१८२ नम्बरको मिनी ट्रक जाँच गर्दा लागूऔषध फेला परेको थियो ।काठमाडौं महानगरपालिका २६ सामाखुसीका ३७ वर्षीय युट्युबर चेतन कार्कीलाई लागूऔषध सहित शुक्रबार पक्राउ गरेको प्रहरीले जनाएको हो ।
कार्कीले लगाएको ट्रयाकसुटको दाहिने खल्तीबाट खैरो हेरोइन ४ दशमलव १३० ग्राम बरामद भएको प्रहरी प्रवक्ता एवं डीएसपी मनोजकुमार लामाले जानकारी दिए ।
जाँचका क्रममा गाडीभित्र राखेको गीतारको कभरमा लुकाएर राखेको ६ दशमलव ९३० ग्राम गाँजासमेत प्रहरीले फेला पारेको छ । युट्युबर कार्कीलाई लागूऔषध मुद्दामा शुक्रबार सिन्धुली अदालतबाट ७ दिनको म्याद थपी अनुसन्धान थालिएको डीएसपी लामाले बताए ।
