टुकी नेपालको दन्त शिविर ज्यामरुङमा सम्पन्न

Avatar photo
Dhadingpost
सोमवार, माघ २९, २०७४

धादिङको नीलकण्ठ नगरपालिका अन्तर गत ज्यामरुङमा सामाजिक सेवा गर्दै आएको टुकी नेपाल समाजले दुई दिने निःशुल्क दन्त शिविर सम्पन्न गरेको छ ।

शिविरको पहिलो दिन जनभावना आधारभूत विद्यालय नीलकण्ठ १० धादिङ र जनज्योती आधारभूत विद्यालय त्रिपुरासुन्दरी गाउँ पालिका ७ धादिङका विद्यार्थी तथा शिक्षकहरूको दन्त परीक्षण गरिएको थियो ।

शिविरमा ४२ जना दाँत सम्बन्धी जटिल समस्या भएका बिरामीहरूको विशेष उपचार गरिएको थियो । स्थानीय जनसमुदायहरूको दाँत सम्बन्धी सम्पूर्ण समस्या निवारण गर्ने उद्देश्यले शिविरको आयोजना गरिएको टुकी नेपाल समाजका अध्यक्ष कमल सापकोटाले धादिङपोष्टलाई बताए । टुकी नेपालले धादिङमा स्वाथ्य र शिक्षामा सहयोग गर्दै आएको छ ।