समाचारको प्रभाव सँगै धुवाँकोटकी ७४ वर्षिया शिवमायाँले नागरिकता पाईन

धादिङबेसी फगुन २७ गते । धादिङपोष्ट डटकमले सम्पूर्ण कागजी प्रक्रिया पूरा गरेपनि धुवाँकोट गाउँ विकास समिति वडा नं. ८ निवासी ७४ वर्षिय शिवमायाँ वस्तीले नपाएको खवर प्रकाशित गरेपछि आज नागरिकता पाएकी छिन् ।
विगत २०६७ सालदेखी जिल्ला प्रशासनको कार्यालयमा धाउँदा पनि नागरिकता नपाएको समाचार धादिङ पोष्टले हिजो प्रकाशित गरेको पछि प्रमुख जिल्ला अधिकारी बासुदेव घिमिरेले आज नागरिकता प्रदान गर्नु भएको हो ।
०६७ सालमा गाविस सचिवले नागरिकता बनाउनको लागि सिफारिस गरिदिएको सिफरिसपत्र, जन्मदर्ताको प्रमाणपत्र, स्थानीय गाउँलेको मुचुल्का र माइती पक्षको नागरिकता सहित बोकेर सिडियो कार्यालयमा जाँदा समेत नागरिकता नपाउनुभएको उहाँ आज प्रमुख जिल्ला अधिकारी वासुदेव घिमिरेको हातबाट नागरिकता पाएपछि भने खुसी हुनुभएको छ ।