धादिङ। विगत केही वर्षदेखि जिल्लामा योग अभ्यास तथा प्रशिक्षण सञ्चालन गर्दै आएको पतञ्जलि योग समितिको चौथो अधिवेशन आज हुने भएको छ ।
अध्यक्ष गोविन्द कुमार श्रेष्ठका अनुसार, उक्त कार्यक्रममा महिला पतञ्जलि योग समिति र युवा पतञ्जलि योग समितिको समेत संयुक्त अधिवेशन आयोजना गरिएको हो ।
अधिवेशनले नयाँ कार्यसमिति चयन गर्ने कार्यक्रम रहेको छ । हाल पतञ्जलि योग समितिले धादिङ जिल्लाका विभिन्न स्थानमा २३ वटा साधना केन्द्रमार्फत योग गतिविधि सञ्चालन गर्दै आएको जनाएको छ ।
अधिवेशनको पूर्वसन्ध्यामा धादिङबेसीको पुछारबजारबाट योग साधक–साधिकाहरूको सहभागितामा नौमती बाजागाजासहित योग जागरण र्याली निकालिने आयोजकले जानकारी दिएको छ ।
कार्यक्रममार्फत योगको महत्वबारे जनचेतना फैलाउने तथा नयाँ नेतृत्व चयन गर्ने उद्देश्य राखिएको आयोजकको भनाइ छ ।
