धादिङ । जिल्ला भलिबल संघ धादिङले यहि मंसिर ६–८ गते सम्म धादिङबेसीमा आयोजना गर्न लागेको स्व. मनोज श्रेष्ठ स्मृति कप धादिङको पालिका स्तरीय महिला/पुरुष भलिबल प्रतियोगिताको खेल तालिका सार्वजनिक भएको छ । प्रतियोगिता लिकम नक आउटका आधारमा खेलाईने बताईएको छ ।
जिल्ला खेलकुद विकास समितिका अध्यक्ष प्रतासिंह तामाङको प्रमुख आतिथ्यतामा आज जिल्ला भलिबल संघ धादिङले खेल तालिका सार्वजनिक गरेको हो । उद्घाटन मंसिर ६ गते दिउँसो २ बजे भएता पनि खेल विहान ८ बजेबाटै हुने जिल्ला अध्यक्ष अमृत गुरुङ (तिलक) ले धादिङपोष्टलाई बताए ।
पुरुष भलिबल खेलमा प्रथम पुरस्कार नगद १ लाख १ हजार १११, दोस्रो नगद ५५ हजार ५५५ र सेमिफाइनलमा पुग्ने टिमहरुलाई २०/२० हजार र महिला भलिबल तर्फ प्रथम पुरस्कार नगद ५५ हजार ५५५, द्वितीय ३० हजार ३३० र सेमिफाइनल पुग्ने टिमहरुलाई १५/१५ हजार प्रदान गरिने जनाईएको छ ।
धादिङको गंगाजमुना गाउँपालिका–४,गुम्दी घर भएका धादिङ भलिबल टिमका कप्तान श्रेष्ठको ०८० कात्तिक ९ गते सिद्धलेकको खिर्रेभञ्याङमा आयोजित भलिबल प्रतियोगिताकै समयमा निधन भएको टिपटप हेल्प नेपालबाट प्रधानमन्त्री कप एनभीए समेत खेलेका स्व. श्रेष्ठको कप्तानीमा धादिङले बागमती प्रदेश स्तरिय प्रतियोगिता समेत जितेको थियो । उनैको सम्झनामा संघले यो प्रतियोगिता गर्न लागेको हो ।
खेल तालिका
