धादिङ । धादिङबेसी सदरमुकामका रहेको एड्भान्स एकेडेमीले हरेक शुक्रबार ‘बुक फ्रि डे फ्राइडे’ अन्तरगत विभिन्न कार्यक्रमहरु गर्दै आईरहेको छ । जस अनुसार भदौ २० गते शुक्रबार चेस प्रतियोगिता सम्पन्न भएको प्रिन्सिपल भिमबहादुर श्रेष्ठले धादिङपोष्टलाई बताए ।
कक्षा ६–१० सम्मका विद्यार्थीहरुलाई सहभागी गराईएको उक्त प्रतियोगितामा छात्रा र छात्र गरी ६० जना विद्यार्थीहरु सहभागि थिए । जसमा छात्रा तर्फ गुनगुन श्रेष्ठ प्रथम, दिपिका आलेमगर द्वितिय र क्रितिका श्रेष्ठ तेस्रो हुन सफल भए भने छात्र तर्फ विशाल घले प्रथम सुशिल शाक्य द्वतिय र विनायक रानामगर तृतिय भएका छन् ।
निजी विद्यालयहरुको छाता संगठन (प्याब्सन) धादिङले यहि भदौं २८ गते जिल्ला स्तरीय चेस प्रतियोगिताको आयोजना गर्ने छ । त्यसैको तयारीका लागि पनि यो प्रतियोगिता अहिले आयोजना गरिएको प्रिन्सिपल श्रेष्ठले बताए ।
