धादिङ । धादिङको त्रिपुरासुन्दरी गाउँपालिका वडा नम्बर ६ घर भई पाल्पाको रैनादेवी छहरा–२ सर्देवास्थित सीजी सिमेण्ट उद्योगमा कार्यरत दिनेश शर्माको कोइला पेल्ने मेसिनमा परेर निधन भएको छ ।
पाल्पा प्रहरीका अनुसार मंगलबार राती १० बजेतिर कोइला पेल्ने (धूलो पार्ने) मेसिनमा परेर उनको निधन भएको हो । दुई जना सफा गर्न भनेर मेसिन भित्र पसेका बेला ‘अकस्मात् मेसिन चलेको’ एक जना भाग्न भ्याएछन् भने शर्मा भाग्न नभ्याउदा मृत्यु भएको प्रहरीले जनायो ।
मान्छे भित्र भएको बेला एक्कासी मेसिन कसरी चल्यो वा कसले, किन चलायो भन्ने बारेमा अनुसन्धान भइरहेको प्रहरी जनाएको छ ।
