काठमाडौं । धादिङका पाँच जना, ठमेल पर्यटन विकास परिषदको सोमबार सम्पन्न निर्वाचनमा विजयी भएका छन् ।
धादिङका एमालेका जिल्ला कमिटी सदस्य समेत रहेको पर्यटन व्यवसायी ध्रुव अधिकारी अध्यक्षमा, उपाध्यक्षमा माओवादी केन्द्र नीकट पर्यटन व्यवसायी सहदेव धमला, कोषाध्यक्षमा कांग्रेस नीकट पर्यटन व्यवसायी प्रकाश थपलिया, सदस्यमा नेपाली कांग्रेस नीकट पर्यटन व्यवसायी कोपीला सिंखडा र एकीकृत समाजवादी निकट कुमार नेपाली विजयी भएका हुन् ।
गत चुनावमा अधिकारी अध्यक्ष पद मै उम्मेदवार थिए उनलाई अहिले पराजित भविश्वर शर्मालेले हराएका थिए भने गत चुनावमा उपाध्यक्षमा धमला र कोषाध्यक्षमा थपालिया नै निर्वाचित भएका थिए ।
अध्यक्षमा धादिङका अधिकारीले ५६२ मत ल्याएर विजयी हुँदा उनका प्रतिद्वन्दी निवर्तमान अध्यक्ष समेत रहेका भविश्वर शर्माले ४५० मत ल्याएका थिए । प्रथम उपाध्यक्षमा धादिङका धमलाले ६१८ मत, कोषाध्यक्षमा धादिङका प्रकाश थपलिया निर्विरोध, सदस्यमा धादिङकाद्वय सिंखडाले ५७४ मत र नेपालीले ५३७ मत ल्याई विजयी भएका हुन् ।
