धादिङ । नेपाल कराँते महासंघ बागमती प्रदेशले बागमती प्रदेशले आयोजना गरेको प्रतियोगिताबाट धादिङका तीन खेलाडी राष्ट्रिय छनोट प्रतियोगिताको लागि प्रदेशबाट छनोट भएका छन् ।
टिम कोच एवम् धादिङका कराते प्रशिक्षक भिम बहादुर गुरुङका अनुसार जेष्ठ २३ गते ५६ औं राष्ट्रिय कराँते प्रतियोगितामा बागमती प्रदेशबाट छनोट भएका धादिङका तीन खेलाडीहरु दिपराज गुरुङ, समिक्षा ढुङ्गाना र निशान घलेले भाग लिने छन् ।
उनीहरुले राष्ट्रिय प्रतियोगिता समेत पार गरे २०२६ मा भुटानमा हुने ८ औं दक्षिण एशियाली कराँते प्रतियोगितामा भाग लिन पाउने छन् ।
प्रदेश छनोटमा धादिङ टिमको म्यानेजर बनेर गएका सुदिप श्रेष्ठका अनुसार धादिङबाट ६३ केजी तौल समुहबाट दिपराज, ५३ केजी तौल समुहमा समिक्षा र ५५ केजी समुहमा निशान छनोट भएका हुन् ।
