धादिङ । 3rd India Open International Taekwondo Championship 2023 मा सहभागी भएर फर्किएका आफ्नो पालिकाका खेलाडीलाई गजुरी गाउँपालिकाले नगद सहित सम्मान गरेको छ ।
उक्त प्रतियोगितामा गजुरीका मन्जिल ढुङ्गाना दोस्रो र रितिक भुजेल तृतिय भएको थिए । पालिका प्रमुख गणेशलाल श्रेष्ठले मन्जिललाई नगद ५ हजार र रितिकलाई नगद ३ हजार सहित सम्मान गरेका हुन् । गजुरीले खेलाडी सँगै तेक्वान्दो प्रशिक्षक धनबहादुर गुरुङलाई समेत सम्मान गरेको थियो ।
उक्त प्रतियोगितामा धादिङबाट १९ जना खेलाडी सहभागी भएका थिए । जसमध्य ७ गोल्ड, ५ रजत र ५ कास्य सहित १७ मेडल धादिङका खेलाडीले जितेका थिए ।
