धादिङ । नेपाल प्रेस युनियन धादिङले भोली आफ्नो नवौं अधिवेशनको अवसरमा त्रिपुरासुन्दरी गाउँपालिका स्थित सल्यानटारमा रक्तदान कार्यक्रमको आयोजना गरेको छ ।
प्रेस युनिय धादिङका अध्यक्ष पोषनाथ अधिकारीले सल्यानटार स्थित खोल्सीमा रहेको सल्यानटार भिलेज रिसोर्टमा बिहान ८ बजे देखि रक्तदान कार्यक्रमको आयोजना गरिएको छ भने ११ बजेबाट नयाँ जिल्ला कार्यसमिति चयनका लागि अधिवेशन सुरु हुनेछ । अध्यक्ष अधिकारीले, कार्यक्रममा उपस्थित भई रक्तदान गरि कार्यक्रम सफल बनाईदिन त्रिपुरासुन्दरी गाउँपालिकाबासीलाई अनुरोध समेत गरेका छन् ।
नेपाली कांग्रेसका केन्द्रीय सदस्य तथा युवा नेता प्रदीप पौडेल प्रमुख आतिथ्यतामा हुने जिल्ला अधिवेशनको सम्पूर्ण तयारीका लागि प्रेस युनियन धादिङका नेताहरु सल्यानटार पुगि सकेको र सम्पूर्ण तयारी सकिएको प्रेस युनियन धादिङले जनाएको छ ।
