धादिङबेसी कात्तिक १२ । धादिङबेसी स्थित एड्भान्स एकेडेमीले राष्ट्रिय भालिबल प्रतियोगितामा भाग लिएको छ ।
नेपाल विद्यालय भलिबल कमिसनले स्वास्थ्यका लागी खेलकुद, राष्ट्रका लागि खेलकुल भन्ने स्लोगनका साथ आयोजना गरेको प्रथम प्याब्सन यू-१८ महिला/पुरुष रािष्ट्रय भलिबलमा प्रतियोगितामा धादिङको एड्भान्स एकेडेमीले भाग लिएको हो । काठमाडौ नयाँ बसपार्क स्थित पूर्वाधार युक्त भलिबल कोर्टमा १२ गते देखि सुरुभएको प्रतियोगिताका धादिङ स्थित एड्भान्स एकेडेमीले पहिलो खेल कार्तिक १३ गते सोमबार बिहान ११ बजे खेल्ने छ ।
एड्भान्स एकेडेमीका प्रिन्सिपल तथा प्याब्सन धादिङका अध्यक्ष समेत रहेका गोविन्द बुढाथोकिले नेपालको सर्वाधिक लोकप्रिय भलिबल खेल राष्ट्रिय खेल समेत भएकोले यो प्रतियोगिता महत्वपूर्ण रहेको बताउनु भयो ।
१ लाख प्रथम पुरस्कार, दितिय पुरस्कार ६० हजार र तृतीय पुरस्कार ३५ हजार रहेको छ ।
