धादिङ कार्तिक ३-
च्याम्पियन्स लिग फुटबलमा बुधबार (आज) राति पनि ८ खेल हुँदैछन् ।
नेपाली समयअनुसार राति साढे १२ बजे एकै समयमा हुने खेलमा समूह ‘ए’बाट आर्सनल र लुदोगोरेट्ज राज्गार्ड तथा पेरिस सेन्ट जर्मेन र बाजल भिड्दैछन् ।
त्यस्तै, समूह ‘बी’बाट डाइनामो किभ र बेनेफिका तथा एसएससी नापोली र बेसिक्सास भिड्दा समूह ‘सी’बाट बार्सिलोना र म्यानचेस्टर सिटी तथा सेल्टिक र बोरुसिया भिड्दैछन् ।
बार्सा र म्यानसिटीबीचको भिडन्त निकै रोमान्चक हुने अनुमान गरिएको छ ।
स्पेनिस क्लब बार्सामा लिओनल मेसी टिममा फर्केका छन् भने फर्ममा रहेको म्यानसिटी इंग्लिस प्रिमियर लिगको शीर्ष स्थानमा कायमै छ ।
त्यस्तै, समूह ‘डी’बाट बायर्न म्यूनिख र पीएसभी आइन्डोभन तथा एफसी रस्तोभ र एथ्लेटिको मड्रिड भिड्दैछन् ।
