धादिङ असार १६
फ्रान्समा जारी युरोकप फुटबल प्रतियोगिताका क्वाटरफाइनल खेल आजबाट सुरु हुँदैछन् ।
आज राति नेपाली समय अनुसार पौने १ बजे सुरु हुने पहिलो क्वाटरफाईनलमा पोर्चुगल र पोल्याण्ड भिड्नेछन् ।
प्रि क्वाटरफाइनलमा क्रोएशियालाई अतिरिक्त समयमा हराउँदै पोर्चुगल क्वाटरफाईनलमा पुगेको थियो । उता पोल्याण्डले भने राउण्ड अफ सिक्सटिनको खेलमा स्विट्जरल्याण्डलाई टाई ब्रेकरमा पराजित गरेको थियो ।
युरोकप फुटबलको दोस्रो क्वाटरफाइनलमा शुक्रबार बेल्जियम र वेल्स भिड्नेछन् । यसैगरी शनिबार राती ईटालीले जर्मनीसँग खेल्दा आईतबार हुने अन्तिम क्वाटरफाइनलमा आयोजक फ्रान्सले आईसल्याण्डको सामना गर्नेछ ।
