धादिङ । प्रधानमन्त्री कप महिला टि २० क्रिकेट टिम छनोटका लागि बागमती प्रदेशको खेल सकिएको छ । उक्त छनोट खेलमा धादिङका सनिया गिरी र अप्सरा कुमाल खेलेका छन् ।
सिद्धलेक गाउँपालिका ७ निवासी १८ वर्षिय सनिया गिरीले ललितपूरबाट र नीलकण्ठ नगरपालिका ६ निवासी आप्सरा कुमालले भक्तपुरबाट छनोट खेल खेलेका हुन् ।
चार टिम सहभागी उक्त बागमती प्रदेश छनोट प्रतियोगितामा काठमाडौं च्याम्पियन बन्यो भने सनिया सहभागी ललितपुर द्वितिय र अप्सरा सहभागी भक्तपुर तृतिय भयो । छनोटका खेलभने अझै बाँकी छन् ।
प्रतियोगिताबाट छनोट परेका खेलाडीलाई आगामी पुष १ गतेदेखि हुने प्रधानमन्त्री कप महिला राष्ट्रिय क्रिकेट प्रतियोगितामा र बागमती प्रदेशले फागुन २५ गतेदेखि आयोजना गर्ने प्रथम अन्तरप्रदेश राष्ट्रिय खेलकुदमा सहभागी गराइने छ । छनोट भएका टोलीले एपिएफ क्लबसँग मैत्रीपूर्ण सिरिज पनि खेल्नेछन् । उक्त सिरिज आगामी मंसिर २७, २८ र २९ गते हुने क्रिकेट संघ बागमती प्रदेशले जनाएको छ ।
