काठमाडौं । काठमाण्डौंबाट मलेसिया हुँदै अष्ट्रेलिया जान लागेकीएक महिलालाई प्रहरीले सुन र हिराका गरगहनाहरु सहित पक्राउ गरेको छ ।
नेपाली मुलको अष्ट्रेलियन नागरिक राहदानी नं. PA1727250 वाहक ५५ वर्षिय अभया विश्वकर्मालाई प्रहरीले त्रिभुवन अन्तर्राष्ट्रिय विमानस्थलको प्रस्थान ह्याण्ड ब्यागेज चेकिङ एरियाबाट पक्राउ गरेको हो ।
उनको साथबाट लुकाई छिपाई भन्सार छली बाहिरी मुलुकतर्फ लैजान लागेको गरगहनाहरु पहेलो रंगको धातुको गहनाहरु जम्मा ७७० ग्राम र हिरा जस्तो देखिने धातुको गहनाहरु जम्मा ५४.७५ ग्राम बरामद गरिएको प्रहरीले जनाएको छ ।
