धादिङ । काठमाडौमा जारी सातौं प्रधानमन्त्री कपको फाईनल धादिङ गंगाजमुनाका मनोज श्रेष्ठ सहभागी टिपटप हेल्प नेपाल र नेत्रावती डवजोङका रविन नगरकोटी सहभागी पुलिस शनिबार हुने भएको छ ।
मनोज श्रेष्ठ सहभागी टिपटप हेल्प नेपालले ६ खेलमा अपराजित रहँदै १६ अंक साथ फाईनल यात्रा तय गर्दा, पुलिस ६ खेलमा ५ मा जित र १ मा हारका साथ १५ अंक जोड्दै फाईनल यात्रा तय गरेको हो छ । लिग चरणको अन्तिम खेलमा एपीएफलाई हराउँदै पुलिस फाईनल पुगेको हो भने आर्मीलाई हराउँदै टिपटप हेल्प नेपाल फाईनल पुगेको हो ।
प्रतियोगितामा महिला तर्फ ६ तथा पुरुष तर्फ ७ टोलीको सहभागीता थिए । महिला र पुरुष तर्फ शीर्ष दुईमा रहने टोलीबीच असार ३० गते शनिबार फाईनल हुने छ ।
